يوميات شاب روش فى الجيش

من طرف roro الأحد مايو 23, 2010 4:52 pm

**** الحلقة الأولى ****

زيكو شاب روش يموت في الروشنة و الملابس الروشة و الماركات العالمية و لبسه استايل خالص و لازم السلسلة اللي عليها صورة جيفارة في صدره و الحظاظة في ايده .
زيكو كل يوم بيحب يسهر بره و مقضيها تظبيط كل يوم مع واحدة شكل .
و معروف انه دنجوان الجامعة و كل البنات بتموت فيه و طبعا كل الولاد بيحقدو عليه طبعا مين زيه .
و على طول بيعدي السنة في تلاته أكيد يعني هو مش فاضي للمذاكرة ووجع الدماغ و الحاجات اللي تزهق دي .
خلاص النتيجة طلعت و الحمد لله زيكو نجح بمقبول على اخره و بعد رفع ماديتين .
زيكو بدأ يشوف نفسه بقى الواد خلص جامعة و خد مقبول قد الدنيا و عايز يشوف بنات جديدة غير بتوع الجامعة .
كل يوم يروح كافيه شكل و مفيش واحدة عاجباه عشان يضبطها و طول ما هو في الكافيه الشيشة مبتفارقهوش .
و في يوم شاف ( سالي ) و قال بكرة البت دي حضبطها .
و صحي تاني يوم العصر زي العادة و بدأ يجهز عشان يروح الكافيه و عمال يحط خطط ازاي يوقع (سالي )في حبه .
لكن جرس الباب يرن مامته تفتح تلاقي جواب لزيكو .
زيكو فتح الجواب و بدأ يقراه من هنا و راح أغمن عليه يا عيني .
زيكو حبيبي مالك حصلك حاجة
الجواب ده ف ايه ؟؟؟؟؟؟؟؟
مامته تمسك الجواب و تقراه و تلاقي انه .
.
.
.
.
.
.

يا نهااااااااار أبيض جواب استدعى للتجنيد !!!!!!!

ايه اللي حيحصل لزيكو بقى و ازاي حيتقبل الموضوع ده
إستنوا الحلقة الجاية بقى
.
.

من طرف roro الأحد مايو 23, 2010 4:54 pm

يلا عاوزه مشاركات عشان اقول على الحلقه اللى بعدها

يا رب تعجبكوا

من طرف eng_dodo الأحد مايو 23, 2010 10:37 pm

جميلة اوى
كملى كملى خلينا نشوف زيكوا هيعمل ايه ههههههههههههههه

من طرف roro الأحد مايو 23, 2010 11:09 pm

ههههههههههههههههههه
اوك يا دود

نورتى يا قمر

من طرف roro الأحد مايو 23, 2010 11:16 pm

--------------------------------------------------------------------------------

*** الحلقة التانية ***

عمنا زيكو قعد يومين في البيت مغمي عليه و مبينطقش لكن بعد محاولات مضنية ( حلوة مضنية دي) من مامته و باباه راح زيكو منطقة التجنيد و التعبئة و هناك كانت الصدمة .
الصدمة كانت بالنسبة له طبعا شباب من كل حته جايين منهم من القرى و الارياف و العشوائيات .
و ده ياي مش ممكن ايه الريحه الوحشة دي !!!!!!!
ايه هما الناس دول ميعرفوش حاجة اسمها بودي سبراي ميعرفوش حاجة اسمها دي أودرنت ياييييييييي.
المهم صاحبنا وقف في الطبور عشان الكشف الطبي و الحاجات دي و جاي الشويش بيقوله اسمك ايه ؟؟؟؟
رد زي العادة اسمي زيكو
و طركشششششششششششش!!!!!!
قلم على قفاه
زيكو يا روح ماما اسمك الثلاثي ايه يا مجند
زكي أحمد عبد السلام
ايوه كده أوقف عدل يا مجند
صاحبنا واقف حيعيط خلاص م الذل و الاهانة .
المهم دخل الكشف الطبي كشفو عليه و للاسف طلعوه لائق
و حيروح الجيش يعيني .

ياعيني يا ياعيني ياعيني عالولد يعين......
متأسفة على الفاصل الغنائي ده .

المهم صاحبنا رجع البيت و هو قاهر نفسه من العياط حيروح الجيش
و مش حيعرف يظبط سالي .
سالي
هي السبب في كل ده وشها وحش عليه أوي
ربنا يخدها
و مامته و بباه قعدين بقى معلش يبني الجيش برده حيعمل منك راجل و كلها كام شهر و تعدي
و بيني و بينكم بباه كان فرحان أوي أوي !!!!!!!!
لأن اتخنق من مراته و دلعها لزيكو و اخواته
المهم عمنا زيكو لم حجاته و سلم أمره لله و روح عشان يتوزع على الوحدة بتاعته
و الصدمة المرة دي انه رايح ........
الصاعقة ...........
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ

ايه اللي حيحصل لزيكو في الصاعقة و حيعمل ايه هناك ده اللي حنعرفه في الحلقة الجاية بقى

هههههههههههههه حلوووووووووووووة اوى

يلا كملى يا رورو

متشوقيناش

من طرف roro الإثنين مايو 24, 2010 9:18 pm

ههههههههههههههههههههههههه
اوك يا بوسى

من طرف roro الإثنين مايو 24, 2010 9:27 pm

عمنا زيكو عرف انه صاعقة رح راقع بالصوت !!!!!! يوميات شاب روش فى الجيش Smailes29

صاعقة يا مامي و حعد أكل الحجات الغريبة اللي بيكلوها دي ياي !!!!!! يوميات شاب روش فى الجيش Smailes18

المهم صحبنا وصل لمركز التدريب و معاه شنطته و وزعزهم على عنابر النوم و ما أدراك و ما عنابر النوم سراير أدوار زي بتاعة إسماعيل ياسين و كلها حشرات لطيفة جدا بتجري هنا و هنا يوميات شاب روش فى الجيش Nut

يعيني يا زيكو .
زيكو قلك لا أنا منمش هنا ايه ده ياي ايه الحشرات و الحجات اللي تقرف ديه لا لا أنا منمش هنا أبدا على جثتي يوميات شاب روش فى الجيش Smailes39

بحظه الفقري مين معدي ؟؟؟؟؟ يوميات شاب روش فى الجيش Smailes52

صح , الشاويش أبو الفتوح و ده راجل صعيدي ميحبش الحال المايل راح قفشه
عما تجول ايه يا مجند يعني ايييه متنمش هنا ليييه عيزهم يحجزولك في جوضة خمس نجوم اياك ؟؟؟!!! يوميات شاب روش فى الجيش Smailes93

زيكو : لا يا شاويش بس السراير هنا تقرف أوي
الشاويش: أمال جيش ازاي انت ممكن تنام في الصحرا وسط السحالي و التعابين لو الحرب جامت روح نضف سريرك يله و حسك عينك أسمعك بتجول الكلام الماسخ ديه تاني فاهم .
زيكو: حاضر يا شويش يوميات شاب روش فى الجيش Angryrazz

يعيني زيكو حيعمل ايه لازم يسمع الكلان أصله مش في البيت لو الكلام معجبهوش يسيبه و ينزل . يوميات شاب روش فى الجيش Smailes40

المهم عمنا زيكو راح منضف السرير و نام . يوميات شاب روش فى الجيش Smailes11

و الساعة خمسه الصبح يقوم مفزوع ايه فيه ايه هي اسرائيل هجمت و لا ايه ؟؟؟؟؟؟
يرد عليه زميله اللي في السرير اللي تحته لا يا خفيف ده نفير الاستيقاظ قوم يلا عندنا طبور .
زيكو اللي متعود يصحى الساعة خامسة العصر يصحى خمسة الصبح شوف الدنيا
فعلا على رأي الممثل القدير رضا في فيلم معبودة الجماهير ( عجبت لك يا زمن ) يوميات شاب روش فى الجيش Smailes102

يا ترى ايه اللي حيحصل مع زيكو في أول يوم ليه في الجيش ده اللي حنعرفه الحلقة اللي جاية .....

ههههههههههههههههههه

ها يا رورو كملى

انا مستنية Smile

من طرف roro الأربعاء مايو 26, 2010 9:43 pm

اوك يا بوسى بس انا كان نفسى الاعضاء تتفاعل اكتر من كده

بس هما اكيد مشغولين عشان الامتحانات

ربنا معاهم يا رب

مرسى على متابعتك يا قمر

من طرف roro الأربعاء مايو 26, 2010 9:46 pm

عمنا زيكو قام و هو مش شايف قدامه يعيني و عمال يدعك في عينيه
لبس البدلة العسكرية و بيادة ( البيادة هي جزمة الجيش ام رقبة عالية دي )
و سرح و هو بيفتكر أيام القمصان اللي فاتح كل زريزها تقريبا و البنطلون اللو ويست و الحظاظة و السلسلة و حط ايه على دماغه القرعة دلوقتي
أصلهم جابوهالو على الزيرو في الجيش و افتكر أيام الجل و الكريمات
المهم
عمنا زيكو وقف في الطابور مع زمايله و هو طبعا مش فاهم حاجة خالص .
و مين القائد بتعهم ؟؟؟؟؟
حبيبه الشويش أبو الفتوح
المهم الطابور بدأ و صفا و انتباه و حاذي يا عسكري و ازاي مسكة السلاح
زيكو مش متعود على الجو ده فواقف في الطابور مثبت رجل و راخي الرجل التانية
بحظه الفقري المعتاد الشاويش أبو الفتوح يقفشه
الشاويش: ايه الواجفة اللي انت واجفه دي يا عسكري فاكر نفسك واجف عالناصية
زيكو : فيه ايه بس يا شاويش
الشاويش : فيه قلة انضباط فيه قلة احترام للعسكرية فيه ان لو حصلت منك حاجة تانية حدورك المكتب محجوز فاهم يا عسكري اوقف عدل و ثبت رجلك
زيكو : تمام يا فندم
الشاويش ايوه كده
المهم التدريبات بدأت و عمنا زيكو طلع عين الشاويش أبو الفتوح و كفر سيئاته كلها
الشاويش : يبني حرام عليك انت مين مسلطك عليه بس
زيكو: ليه بس يا شاويش
الشاويش : في حد يعمل التمرين كده يا بني ادم عايز تعدي الاسلاك الشايكة و انت نايم على ضهرك ازاي ؟؟؟؟؟!!!!!
(هههههههههههههههههههه) ده أنا اللي بضحك على فكرة
زيكو : أعمل ايه يا شاويش صدري بيتعب من التراب و عندي حساسية
الشاويش : يا ضنايا أجبلك بخاخة عشان زور سعادتك
قوم فز و دور نفسك مكتب انصراف
زيكو : تمام يا فندم
و ده كان أول يوم لزيكو في الجيش تابعونا في الحلقات القادمة لمعرفة المزيد عن يوميات شاب روش في الجيش

يوميات شاب روش فى الجيش Lol

من طرف ندى الخميس مايو 27, 2010 2:02 pm

هههههههههههههههههههههههههههههههههههههههههههههههههههههههههههه
اليوميات دى جميلة بجد مع انها جت متأخرة يالا كملى وبعدين

من طرف roro الخميس مايو 27, 2010 3:23 pm

نورتى يا نودى

و بدأت الايام تمر و عمنا زيكو مطلع عين الشاويش أبو الفتوح و مقضي أغلب أيامه في السجن الحربي يوميات شاب روش فى الجيش Smailes102

.
و اتحرم من الاجازة بتاع خمس ست مرات
و في مرة عمل بلوى من بلاويه و الشاويش حرمه من الاجازة
قال محاول أزوغ المرة دي زي العيال اللي بتزوغ و بتحط المخدات مكانها لغاية ما يرجعوا الصبح يوميات شاب روش فى الجيش Smailes95

المهم عمنا زيكو راح اتفق مع العيال اللي بيزوغوا عشان يزوغ معاهم يوميات شاب روش فى الجيش Smailes90

و كان فاكر انه في مدرسة حيضحك على الفراش و حينط من على السور
المهم العيال دول خدوا منه خمسين جنيه و قالوله حنظبطك في موضوع التزويغ ده
عمنا زيكو قعد يخطط حيعمل ايه في الليلة دي و حيروح فين و نفسه يشوف بنات بقى بدل محمية الذكور اللي عايش في وسطيها
بس مكنش يعرف انه حيتعرض لأكبر عملية نصب في حياته . يوميات شاب روش فى الجيش Smailes83

على الساعة تمانية بالليل جاله زعيم الشلة و قاله جاهز عشان نكت عمنا زيكو طبعا كان مستعد و على سنجة عشرة و قاله تمام.
راح الزعيم خده و قعد لففه في ستلاف ممر و خندق و قاله بص شايف الأوضة اللي منورة هناك دي روح هناك حتلاقي ليها باب تاني أطلع منه و حتلاقي نفسك بره المعسكر شوف أي حد من زميلك ماشي و روح معاه
زيكو سأله ايه ده انت مش جي معايا و لا ايه
رد عليه الزعيم لأ طبعا أنا ورايا تلاتة غيرك حهربهم
يلا ربنا معاك
زيكو كمل طريقه و دخل الأوضة اللي قال له عليها الزعيم و قفل الباب بشويش متقولش جيمس بوند في زمانه و التفت لقى مين أودامه ...... يوميات شاب روش فى الجيش Smailes102

الشاويش أبو الفتوح يوميات شاب روش فى الجيش Smailes93

طلعت الأوضة ديه أوضة الشويش أبو الفتوح و الزعيم لبس زيكو أكبر مغرز في حياته
ايه اللي حيحصل لزيكو بعد ما الشاويش أبو الفتوح قفشه تابعونا في الحلقة القادمة من يوميات شاب روش في الجيش

من طرف بطوطه السبت مايو 29, 2010 8:31 am

هههههههههههههههههههههههه
جميله يارورو

تسلم أيدك ياجميل

يلا يا رورو

عرفينا ايه الى هيحصل

بسررررعة

يوميات شاب روش فى الجيش

يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش

رد: يوميات شاب روش فى الجيش