اجمل اخوات
دخول

لقد نسيت كلمة السر

بحـث
 
 

نتائج البحث
 


Rechercher بحث متقدم

المواضيع الأخيرة
» تحميل فيلم المصلحةكامل
الأحد يوليو 29, 2012 6:22 pm من طرف noda

» تحميل فيلم ركلام
الأحد يوليو 29, 2012 6:21 pm من طرف noda

» البوم ابو الليف خليك فى النور يا امور 2012
الأحد يوليو 29, 2012 6:18 pm من طرف noda

» البوم سامو زين 2012 الورد الاحمر mp3
الأحد يوليو 29, 2012 6:15 pm من طرف noda

» البوم اليسا 2012 اسعد واحدة
الجمعة يوليو 20, 2012 6:05 pm من طرف noda

» وردة حمراء .... بيضاء .... قنبلة
الخميس فبراير 16, 2012 10:02 pm من طرف noda

» الي بوصل رقم 8 يسجن واحد في الثلاجة
الخميس فبراير 16, 2012 9:58 pm من طرف noda

» هقلك اسم وتقلى يقربلك ايه
الخميس فبراير 16, 2012 9:56 pm من طرف noda

» لعبه سحر
الخميس فبراير 16, 2012 9:42 pm من طرف noda

المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 35 بتاريخ الجمعة يوليو 01, 2011 9:38 pm
احصائيات
هذا المنتدى يتوفر على 83 عُضو.
آخر عُضو مُسجل هو fatma فمرحباً به.

أعضاؤنا قدموا 3620 مساهمة في هذا المنتدى في 569 موضوع
أفضل 10 أعضاء في هذا المنتدى
الساحرة الصغيرة
 
roro
 
اجمل اخوات
 
بطوطه
 
Roraa
 
noda
 
eng_dodo
 
ندى
 
Ramy
 
capochenoo
 

مشاهدة مباشرة بدون تحميل
 
 

يوميات شاب روش فى الجيش

اذهب الى الأسفل

default يوميات شاب روش فى الجيش

مُساهمة من طرف roro في الأحد مايو 23, 2010 4:52 pm



**** الحلقة الأولى ****



زيكو شاب روش يموت في الروشنة و الملابس الروشة و الماركات العالمية و لبسه استايل خالص و لازم السلسلة اللي عليها صورة جيفارة في صدره و الحظاظة في ايده .
زيكو كل يوم بيحب يسهر بره و مقضيها تظبيط كل يوم مع واحدة شكل .
و معروف انه دنجوان الجامعة و كل البنات بتموت فيه و طبعا كل الولاد بيحقدو عليه طبعا مين زيه .
و على طول بيعدي السنة في تلاته أكيد يعني هو مش فاضي للمذاكرة ووجع الدماغ و الحاجات اللي تزهق دي .
خلاص النتيجة طلعت و الحمد لله زيكو نجح بمقبول على اخره و بعد رفع ماديتين .
زيكو بدأ يشوف نفسه بقى الواد خلص جامعة و خد مقبول قد الدنيا و عايز يشوف بنات جديدة غير بتوع الجامعة .
كل يوم يروح كافيه شكل و مفيش واحدة عاجباه عشان يضبطها و طول ما هو في الكافيه الشيشة مبتفارقهوش .
و في يوم شاف ( سالي ) و قال بكرة البت دي حضبطها .
و صحي تاني يوم العصر زي العادة و بدأ يجهز عشان يروح الكافيه و عمال يحط خطط ازاي يوقع (سالي )في حبه .
لكن جرس الباب يرن مامته تفتح تلاقي جواب لزيكو .
زيكو فتح الجواب و بدأ يقراه من هنا و راح أغمن عليه يا عيني .
زيكو حبيبي مالك حصلك حاجة
الجواب ده ف ايه ؟؟؟؟؟؟؟؟
مامته تمسك الجواب و تقراه و تلاقي انه .
.
.
.
.
.
.






يا نهااااااااار أبيض جواب استدعى للتجنيد !!!!!!!



ايه اللي حيحصل لزيكو بقى و ازاي حيتقبل الموضوع ده
إستنوا الحلقة الجاية بقى
.
.
avatar
roro
نائب المدير

عدد المساهمات : 765
السٌّمعَة : 12
تاريخ التسجيل : 11/10/2009
العمر : 24
الموقع : اجمل اخوات

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف roro في الأحد مايو 23, 2010 4:54 pm

يلا عاوزه مشاركات عشان اقول على الحلقه اللى بعدها



يا رب تعجبكوا
avatar
roro
نائب المدير

عدد المساهمات : 765
السٌّمعَة : 12
تاريخ التسجيل : 11/10/2009
العمر : 24
الموقع : اجمل اخوات

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف eng_dodo في الأحد مايو 23, 2010 10:37 pm

جميلة اوى
كملى كملى خلينا نشوف زيكوا هيعمل ايه ههههههههههههههه
avatar
eng_dodo
عضو مشرف المنتدى
عضو مشرف المنتدى

عدد المساهمات : 188
السٌّمعَة : 3
تاريخ التسجيل : 06/12/2009
العمر : 27

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف roro في الأحد مايو 23, 2010 11:09 pm

ههههههههههههههههههه
اوك يا دود


نورتى يا قمر
avatar
roro
نائب المدير

عدد المساهمات : 765
السٌّمعَة : 12
تاريخ التسجيل : 11/10/2009
العمر : 24
الموقع : اجمل اخوات

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف roro في الأحد مايو 23, 2010 11:16 pm

--------------------------------------------------------------------------------

*** الحلقة التانية ***

عمنا زيكو قعد يومين في البيت مغمي عليه و مبينطقش لكن بعد محاولات مضنية ( حلوة مضنية دي) من مامته و باباه راح زيكو منطقة التجنيد و التعبئة و هناك كانت الصدمة .
الصدمة كانت بالنسبة له طبعا شباب من كل حته جايين منهم من القرى و الارياف و العشوائيات .
و ده ياي مش ممكن ايه الريحه الوحشة دي !!!!!!!
ايه هما الناس دول ميعرفوش حاجة اسمها بودي سبراي ميعرفوش حاجة اسمها دي أودرنت ياييييييييي.
المهم صاحبنا وقف في الطبور عشان الكشف الطبي و الحاجات دي و جاي الشويش بيقوله اسمك ايه ؟؟؟؟
رد زي العادة اسمي زيكو
و طركشششششششششششش!!!!!!
قلم على قفاه
زيكو يا روح ماما اسمك الثلاثي ايه يا مجند
زكي أحمد عبد السلام
ايوه كده أوقف عدل يا مجند
صاحبنا واقف حيعيط خلاص م الذل و الاهانة .
المهم دخل الكشف الطبي كشفو عليه و للاسف طلعوه لائق
و حيروح الجيش يعيني .

ياعيني يا ياعيني ياعيني عالولد يعين......
متأسفة على الفاصل الغنائي ده .

المهم صاحبنا رجع البيت و هو قاهر نفسه من العياط حيروح الجيش
و مش حيعرف يظبط سالي .
سالي
هي السبب في كل ده وشها وحش عليه أوي
ربنا يخدها
و مامته و بباه قعدين بقى معلش يبني الجيش برده حيعمل منك راجل و كلها كام شهر و تعدي
و بيني و بينكم بباه كان فرحان أوي أوي !!!!!!!!
لأن اتخنق من مراته و دلعها لزيكو و اخواته
المهم عمنا زيكو لم حجاته و سلم أمره لله و روح عشان يتوزع على الوحدة بتاعته
و الصدمة المرة دي انه رايح ........
الصاعقة ...........
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ

ايه اللي حيحصل لزيكو في الصاعقة و حيعمل ايه هناك ده اللي حنعرفه في الحلقة الجاية بقى
avatar
roro
نائب المدير

عدد المساهمات : 765
السٌّمعَة : 12
تاريخ التسجيل : 11/10/2009
العمر : 24
الموقع : اجمل اخوات

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف الساحرة الصغيرة في الإثنين مايو 24, 2010 9:52 am

هههههههههههههه حلوووووووووووووة اوى

يلا كملى يا رورو

متشوقيناش
avatar
الساحرة الصغيرة
كبار الشخصيات
كبار الشخصيات

عدد المساهمات : 859
السٌّمعَة : 24
تاريخ التسجيل : 11/10/2009
العمر : 24
الموقع : فى ارض الله الواسعة (مصر)

http://www.mrnmrn.yoo7.com

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف roro في الإثنين مايو 24, 2010 9:18 pm

ههههههههههههههههههههههههه
اوك يا بوسى
avatar
roro
نائب المدير

عدد المساهمات : 765
السٌّمعَة : 12
تاريخ التسجيل : 11/10/2009
العمر : 24
الموقع : اجمل اخوات

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف roro في الإثنين مايو 24, 2010 9:27 pm

عمنا زيكو عرف انه صاعقة رح راقع بالصوت !!!!!!
صاعقة يا مامي و حعد أكل الحجات الغريبة اللي بيكلوها دي ياي !!!!!!
المهم صحبنا وصل لمركز التدريب و معاه شنطته و وزعزهم على عنابر النوم و ما أدراك و ما عنابر النوم سراير أدوار زي بتاعة إسماعيل ياسين و كلها حشرات لطيفة جدا بتجري هنا و هنا
يعيني يا زيكو .
زيكو قلك لا أنا منمش هنا ايه ده ياي ايه الحشرات و الحجات اللي تقرف ديه لا لا أنا منمش هنا أبدا على جثتي
بحظه الفقري مين معدي ؟؟؟؟؟
صح , الشاويش أبو الفتوح و ده راجل صعيدي ميحبش الحال المايل راح قفشه
عما تجول ايه يا مجند يعني ايييه متنمش هنا ليييه عيزهم يحجزولك في جوضة خمس نجوم اياك ؟؟؟!!!
زيكو : لا يا شاويش بس السراير هنا تقرف أوي
الشاويش: أمال جيش ازاي انت ممكن تنام في الصحرا وسط السحالي و التعابين لو الحرب جامت روح نضف سريرك يله و حسك عينك أسمعك بتجول الكلام الماسخ ديه تاني فاهم .
زيكو: حاضر يا شويش
يعيني زيكو حيعمل ايه لازم يسمع الكلان أصله مش في البيت لو الكلام معجبهوش يسيبه و ينزل .
المهم عمنا زيكو راح منضف السرير و نام .
و الساعة خمسه الصبح يقوم مفزوع ايه فيه ايه هي اسرائيل هجمت و لا ايه ؟؟؟؟؟؟
يرد عليه زميله اللي في السرير اللي تحته لا يا خفيف ده نفير الاستيقاظ قوم يلا عندنا طبور .
زيكو اللي متعود يصحى الساعة خامسة العصر يصحى خمسة الصبح شوف الدنيا
فعلا على رأي الممثل القدير رضا في فيلم معبودة الجماهير ( عجبت لك يا زمن )

يا ترى ايه اللي حيحصل مع زيكو في أول يوم ليه في الجيش ده اللي حنعرفه الحلقة اللي جاية .....
avatar
roro
نائب المدير

عدد المساهمات : 765
السٌّمعَة : 12
تاريخ التسجيل : 11/10/2009
العمر : 24
الموقع : اجمل اخوات

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف الساحرة الصغيرة في الثلاثاء مايو 25, 2010 9:29 am

ههههههههههههههههههه

ها يا رورو كملى

انا مستنية Smile Very Happy Smile
avatar
الساحرة الصغيرة
كبار الشخصيات
كبار الشخصيات

عدد المساهمات : 859
السٌّمعَة : 24
تاريخ التسجيل : 11/10/2009
العمر : 24
الموقع : فى ارض الله الواسعة (مصر)

http://www.mrnmrn.yoo7.com

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف roro في الأربعاء مايو 26, 2010 9:43 pm

اوك يا بوسى بس انا كان نفسى الاعضاء تتفاعل اكتر من كده


بس هما اكيد مشغولين عشان الامتحانات



ربنا معاهم يا رب





مرسى على متابعتك يا قمر
avatar
roro
نائب المدير

عدد المساهمات : 765
السٌّمعَة : 12
تاريخ التسجيل : 11/10/2009
العمر : 24
الموقع : اجمل اخوات

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف roro في الأربعاء مايو 26, 2010 9:46 pm

عمنا زيكو قام و هو مش شايف قدامه يعيني و عمال يدعك في عينيه
لبس البدلة العسكرية و بيادة ( البيادة هي جزمة الجيش ام رقبة عالية دي )
و سرح و هو بيفتكر أيام القمصان اللي فاتح كل زريزها تقريبا و البنطلون اللو ويست و الحظاظة و السلسلة و حط ايه على دماغه القرعة دلوقتي
أصلهم جابوهالو على الزيرو في الجيش و افتكر أيام الجل و الكريمات
المهم
عمنا زيكو وقف في الطابور مع زمايله و هو طبعا مش فاهم حاجة خالص .
و مين القائد بتعهم ؟؟؟؟؟
حبيبه الشويش أبو الفتوح
المهم الطابور بدأ و صفا و انتباه و حاذي يا عسكري و ازاي مسكة السلاح
زيكو مش متعود على الجو ده فواقف في الطابور مثبت رجل و راخي الرجل التانية
بحظه الفقري المعتاد الشاويش أبو الفتوح يقفشه
الشاويش: ايه الواجفة اللي انت واجفه دي يا عسكري فاكر نفسك واجف عالناصية
زيكو : فيه ايه بس يا شاويش
الشاويش : فيه قلة انضباط فيه قلة احترام للعسكرية فيه ان لو حصلت منك حاجة تانية حدورك المكتب محجوز فاهم يا عسكري اوقف عدل و ثبت رجلك
زيكو : تمام يا فندم
الشاويش ايوه كده
المهم التدريبات بدأت و عمنا زيكو طلع عين الشاويش أبو الفتوح و كفر سيئاته كلها
الشاويش : يبني حرام عليك انت مين مسلطك عليه بس
زيكو: ليه بس يا شاويش
الشاويش : في حد يعمل التمرين كده يا بني ادم عايز تعدي الاسلاك الشايكة و انت نايم على ضهرك ازاي ؟؟؟؟؟!!!!!
(هههههههههههههههههههه) ده أنا اللي بضحك على فكرة
زيكو : أعمل ايه يا شاويش صدري بيتعب من التراب و عندي حساسية
الشاويش : يا ضنايا أجبلك بخاخة عشان زور سعادتك
قوم فز و دور نفسك مكتب انصراف
زيكو : تمام يا فندم
و ده كان أول يوم لزيكو في الجيش تابعونا في الحلقات القادمة لمعرفة المزيد عن يوميات شاب روش في الجيش












avatar
roro
نائب المدير

عدد المساهمات : 765
السٌّمعَة : 12
تاريخ التسجيل : 11/10/2009
العمر : 24
الموقع : اجمل اخوات

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف ندى في الخميس مايو 27, 2010 2:02 pm

هههههههههههههههههههههههههههههههههههههههههههههههههههههههههههه
اليوميات دى جميلة بجد مع انها جت متأخرة يالا كملى وبعدين
avatar
ندى

عدد المساهمات : 96
السٌّمعَة : 1
تاريخ التسجيل : 18/11/2009

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف roro في الخميس مايو 27, 2010 3:23 pm

نورتى يا نودى


و بدأت الايام تمر و عمنا زيكو مطلع عين الشاويش أبو الفتوح و مقضي أغلب أيامه في السجن الحربي .
و اتحرم من الاجازة بتاع خمس ست مرات
و في مرة عمل بلوى من بلاويه و الشاويش حرمه من الاجازة
قال محاول أزوغ المرة دي زي العيال اللي بتزوغ و بتحط المخدات مكانها لغاية ما يرجعوا الصبح
المهم عمنا زيكو راح اتفق مع العيال اللي بيزوغوا عشان يزوغ معاهم
و كان فاكر انه في مدرسة حيضحك على الفراش و حينط من على السور
المهم العيال دول خدوا منه خمسين جنيه و قالوله حنظبطك في موضوع التزويغ ده
عمنا زيكو قعد يخطط حيعمل ايه في الليلة دي و حيروح فين و نفسه يشوف بنات بقى بدل محمية الذكور اللي عايش في وسطيها
بس مكنش يعرف انه حيتعرض لأكبر عملية نصب في حياته .
على الساعة تمانية بالليل جاله زعيم الشلة و قاله جاهز عشان نكت عمنا زيكو طبعا كان مستعد و على سنجة عشرة و قاله تمام.
راح الزعيم خده و قعد لففه في ستلاف ممر و خندق و قاله بص شايف الأوضة اللي منورة هناك دي روح هناك حتلاقي ليها باب تاني أطلع منه و حتلاقي نفسك بره المعسكر شوف أي حد من زميلك ماشي و روح معاه
زيكو سأله ايه ده انت مش جي معايا و لا ايه
رد عليه الزعيم لأ طبعا أنا ورايا تلاتة غيرك حهربهم
يلا ربنا معاك
زيكو كمل طريقه و دخل الأوضة اللي قال له عليها الزعيم و قفل الباب بشويش متقولش جيمس بوند في زمانه و التفت لقى مين أودامه ......
الشاويش أبو الفتوح
طلعت الأوضة ديه أوضة الشويش أبو الفتوح و الزعيم لبس زيكو أكبر مغرز في حياته
ايه اللي حيحصل لزيكو بعد ما الشاويش أبو الفتوح قفشه تابعونا في الحلقة القادمة من يوميات شاب روش في الجيش
avatar
roro
نائب المدير

عدد المساهمات : 765
السٌّمعَة : 12
تاريخ التسجيل : 11/10/2009
العمر : 24
الموقع : اجمل اخوات

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف بطوطه في السبت مايو 29, 2010 8:31 am

هههههههههههههههههههههههه
جميله يارورو

تسلم أيدك ياجميل
avatar
بطوطه
عضو مميز

عدد المساهمات : 457
السٌّمعَة : 15
تاريخ التسجيل : 11/10/2009
العمر : 23
الموقع : بين أحضان السماء أكيد (مصر)

الرجوع الى أعلى الصفحة اذهب الى الأسفل

default رد: يوميات شاب روش فى الجيش

مُساهمة من طرف الساحرة الصغيرة في الثلاثاء يوليو 13, 2010 6:32 am

يلا يا رورو

عرفينا ايه الى هيحصل

بسررررعة
avatar
الساحرة الصغيرة
كبار الشخصيات
كبار الشخصيات

عدد المساهمات : 859
السٌّمعَة : 24
تاريخ التسجيل : 11/10/2009
العمر : 24
الموقع : فى ارض الله الواسعة (مصر)

http://www.mrnmrn.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى