قصة حصلت معي حديثاً بتمنى اعرف رأيكم فيها

السلام عليكم ورحمة الله وبركاته
اليكم وقائع القصة بدون مقدمات
في نفس اليوم الذي سجلت فيه في هذا المنتدى
وقمت بطرح موضوع عن ضحايا الانترنت والهكرز
https://mrnmrn.yoo7.com/t567-topic
تفاجئت باضافة على المسنجر من فتاة تسمي نفسها "عاشقة رسول الله"
وانا طبعاً لما شفت عاشقة رسول الله قلت لازم اضيفها بركي محتاجتني ولا شي
وبصراحة كان اسمها سبب اساسي اني اعاملها بحسن نية
بس للأسف الشديد
طلع شب وبيحاول يخترق جهازي ومابعرف شو هدفو
المهم انا بعتتلوا رسالة وقلتلوا يا اخي هالشغل عيب وحرام
وما بجوز تعمل هالأمور
واذا بدك تعمل شغلات وسخة لا تستعمل هالاسم وتدنسو
وحاولت انصحه لعلو يهتدي
بتعرفوا شو كان الرد؟!!
بعتلي رسالة كرد على رسالتي كتب فيها "هههههههههههههههههههههههههههههه"
من أولها لآخرها وكأنو يحاول يستفزني ويسخر من كلامي
والشيطان لعب بعقلي وقلت انتقم لنفسي لانو سخر مني ومن كلامي
بس الحمد لله هديت شوي بعد ما كنت اغلي متل النار من تصرفاته
وبعدها قررت انتقم بس مو هالمرة مو لنفسي للحق يلي انا بآمن فيه
وفعلاً قلت بجرب معاه خدعة اذا ظبطت بخترق جهازو وبعطيه درس
واذا ما ظبطت قلت بنساه وبترك الانتقام للمنتقم
وتفاجئت انو أكل الطعم بسهولة كبيرة وهب صرت بجهازو
ولما فتحت ايميلو لقيت رسائل بيبتز فيها بنات مخترق اجهزتهن وعندو صور
الهم بأوضاع لا يحسدون عليها نتيجة اخطاء ارتكبوها في الماضي واستغلها هالانسان الخسيس
بس المفاجأة الكبيرة بتعرفو شو كانت؟؟؟؟
تخيلو انو طلع عمرو 15 سنة بس يعني ولد صغير بنص عقل!!!!!!
طيب كيف هيك هالولد قدر يخدع 3 بنات والله اعلم اذا في غيرهم وانا مادريت فيهم؟؟
السبب ببساطة هو بالدرجة الأولى الجهل
وغياب الوعي والحذر والاستهزاء بأمور مهمة مثل حماية الايميل او الجهاز
وانا والله احترت شو اعمل معاه
مسحت كل الصور من عندو وتعذبت كتير لان النت عندو بطيء جداً والصور كتيرة كتيييييييرة
وحاولت اتواصل مع الاشخاص يلي ابتزهم عسى يهدا بالهم ويتعلموا درس من الي جرا
ورسالتي الي حابب وجهها لكل شخص وللبنات خصوصاً
ترا يا بنات انتبهوا انتوا عرضنا وعرض اهلكم وشرفهم لا تتهاونو أبداً
ماهدفي أبداً خوفكم هدفي ادخل الحذر والحرص والانتباه لان الشغلة مافيها مزح
نحن بعالم الانترنت ما في شي مضمون
حتى صديق الانترنت بخوف كتير
انا بطلب منكم تنتبهوا وتعتبروني أخ لالكم وان شاء الله نحن ما منقصر بواجبنا معاكم
والشباب الله يهديهم ويبطلوا هالألاعيب والحركات ويتذكروا ان كل شخص عندو عرض
وما يرضى عرضه ينفضح كيف يرضاها للناس كيف !!!!!!!!
اعذروني ان اطلت عليكم
والسلام عليكم ورحمة الله

موضوعك جميل وأكيد دة كله فى ميزان حسناتك