سلبيات وايجابيات حب النت

اولا مرسى على الموضوع الجميل
انا بصراحه معرفش حاجه كويسه عن الطريقه دى فى الزواج غير مره سمعت حكايه كويسه وماشاء الله حاله سعيده بس اظن انها نادره اوى انها تتكرر اساسا بس الباقى بسمع عنهم حاجات مش كويسه خالص
وانا من وجهه نظرى ان الموضوع نفسه مش مقنع خالص
يعنى ازاى الحب هايكون على النت انا شايفه ان الحب ده بييجى من التعامل الحقيقى مش من الكلام بس يعنى اقصد الحوار الطبيعى فى يومنا
وفى نقطه تانيه اللى هى سن الجواز انا شايفه ان السن ده صغير جدا
يعنى مانقدرش نحكم عليه انه كده تبقى البنت فاتها قطر الجواز
طب ازاى
وهى المفروض كده فى بدايه حياتها
بس والله الموضوع فعلا جميل ومهم
مرسى ليكى يا بوسى

تسلمى يا قمر على الموضوع دا بجد حاجة جميله

نبدا بس بحاجة بسيطة كدا ... الحب عموما مش دايما ناجح سواء كان من النت بقى او من الكليه او ما الى ذلك ( لاننا ديما بنحسبها غلط واقرب مثال بيبقى معظم الاحبه فى نفس العمر تقريبا او السن الدراسى )

ثانيا بقى ودا الاهم ان الزواج دا قسمه ونصيب لو من النت او من غير النت هيجلك هيجيلك وانت عندك 15 سنة او انت عندك 50 سنه كل مقدر ومكتوب

اما ان حد يحب واحدة لمجرد الصوت او لمجرد الكلام بيبقى دا ممكن نسميه اعجاب ولكن اقرب لحب لو اترجم لواقع

انما البنت اللى تربط نفسها اكتر من سنه عايشه فى وهم ان حد بيحبها لمجرد انه كلمها على النت يبقى دا عيب فيها وطيبه زايده عن اللازم

وديما البنت بتقع لو فكرت بقلبها مش بعقلها ( لو حسبتها صح عمرها ما هتغلط ان شاء الله )

انا من راييى ان البنت لانها الطرف الاهم فى حكايه الحب دا انها تبقى فى السليم وتبعد نهائى عن الحب والكلام دا من النت وبره النت غموما لحد مايجلها نصيبها لحد بابا بيتها معززة مكرمة

ومش معنى ذلك ان كل حكايات الحب عن طريق النت فاشله او الزواج كمان
لكن نخلينا فى السليم وكل الاحتمالات وارده بردو

رايي بقى ان الحب دا كله وهم كبير وكلام فاضى بس فين اللى يعرف دا كله لازم يجرب الاول ويقع ويقول ياريت اللى جرى ما كان

بيس بقى

.. حكم عقلك قبل قلبك تعيش مرتاح ..
.......... والطيبون للطيبات ........

والله اعلى واعلم

فعلا معاكى حق
بس الحب من ع النت دة أكبر خطأ
لان دة شخص متعرفهوش ولا هو يعرفك أزاى هحبه وأتجوزه كمان مش معقول
معلش يعنى اللى تعمل كدة تبقى مجنونة أو متخلفة رسمى بجد بدون زعل
وشكرا لموضوعك يابوسى