ياريت تدخل وتقول رأيك لانة موضوع مهم

بسم الله الرحمن الرحيم
ال
سلام عليكم ورحمة الله وبركاتة
يا جماعة فى موضوع مهم عايزاكو تقولو رأيكو فية لانة واخد كل تفكيرى ومش عارفة لانى بفكر فية طول الوقت وبجد مش عارفة اعمل اية ياريت تقولولى المفروض والصح اعمل اية
اية هو الحب دا يا جماعة انا قصدى حب بين ولد وبنت او حب بين حبيبين بس متقولوش مفيش حب بين ولد وبنت امال الاغانى دى اية والى احنا سمعنها وبنحفطها ونحبها وبنفضل نغنيها سوألى هو
هل حب بين بنت وولد صح ام غلط ؟
اانا فى وجهة نظرى ان البنت الى تكلم ولد بتكون مش محترمة او الى بتحب ولد ولها علاقة معة بس فكرت وبقول امال امتى نحب ونعبش قصة حب مثلا روميو وجوليت امتى امتى نحب صح بس ميكنش غلط ميكنش ورا الاسرة ونكون كدا مش نحب وخايفين ان حد يعرف امتى ولا منحبش ونعيش كدا بس دى مش هتكون عيشة
بجد مش عارفة اعمل اية انا خايفة احب ويكون دا غلط وخايفة محبش اعمل اية يا جماعة ياريت رادكو
انا مستنية رادودكم ضرورى لانة مهم عندى

مرسى ياندى على الموضوع الجميل تسلمى بصى يا انسه ندى انا هرد عليكى منوجهه نظرى انا
الحب طبعا مش عيب ومش حرام الا لو خرج عن نطاق معين وهو الدين بس فى الحاله اللى بتتكلمى فيها دى ياندى
طبعا مفيش مانع انك تحلمى بحب روميو وجوليت ولا كل الحاجات دى بس يانودى انا هاقولك ان ابسط الحقوق اللى المفروض تكون عليكى للانسان اللى ان شاء الله هاترتبطى بيه وتعيشوا سوا ان شاء الله انك تصارحيه بكل حاجه فلو انتى مثلا عشتى قصه الحب دى فى اى وقت هل انتى هايكون عندك الجراه انك تتكلمى عنها بعدين حتى لو كان الشخص متغير وربنا مايكتبهاش على حد هاتقدرى تتكلمى عنها ما اظنش ان ردك هايكون اه
بس انا هاقولك ان من وجهه نظرى ان انسب قتره تقدرى تعبرى بيها عن مشاعرك وتعيشى كل الحاجات الجميله دى هى فتره الخطوبه لانها هاتكون ليها ظوابط كتير جدا اهمها هو انك هاتكونى مش بتعصى ربنا فى حاجه وعمرك متحسى انك بتعملى حاجه غلط واظن ان ان شاء الله لما ربنا يوفقكوا هاتكون دى زكريات جميله جدا سواء ليكى او للطرف التانى
ومرسى يانودى على لموضوع

شكرا ليكى يا مونى فعلا دا رأى بس خايفة يكون غلط بس الحمد للة طلع صح
شكرؤا على الرأى الجميل دة

انا هاقول راى واجرى وثوابى عند الله

مبدايا يا انسه ندى مش الاغانى والذى منه هى دليل وجود الحب . فى حاجات كتير اوى بتدلل وجود الحب ونص كمان

زى والدتك دا ابسط مثال للحب بدون مقابل او اى عمل ناجح دا بيبقى اكبر دليل على الحب بردو و..........هكذا

الاهم من دا كله بقى يا ندى ان اى علاقه حب بين ولد وبنت مش رسمية اساسها الاشهار يعنى .. فهى حرام وعيب وغلط وميصحش وحاجات كتير كدا

ثالثا اعظم قصه حب فى التاريخ حب سيدنا محمد( ص) للسيدة خديجة لانهم كانوا متزوجين
يعنى مش رميو وجوليت والكلام دا .


____________


اللى فات دا كوم واللى جاى دا كوم تانى بقى ... بس انا مش موافق عليه ؟؟؟؟

مفيش انسان منفسوش يحب ويتحب ويعيش اللحظات دى

الاهم نحسبها صح وبحدود

يعنى اختيارك يكون صح
وحبيبك يكون صادق فى كلامه
وسرك يكون مع مامتك او اختك الاكبر منك
وكل خطوة وحركة تكون بعلمهم وتكون العلاقه الى حد ما محدوة ومش اوفر . لحد هنا انا مشموافق عليه ؟


وطبعا احسن علاقه حب ان حبيبك يكون بيخاف عليكى من كلام الناس والذى منه وحتى من نفسه
ويكون شايفك زوجه ليه .. مش واحدة بيتسلى بيها يعنى ؟
________

دى الخلاصه

و كمان ربنا سبحانه وتعالى بيقول الطيبون للطيبات

يعنى هتخافى على نفسك وترضى ربنا ساعتها هيبقى نصيبك احلى ميت مرة ما كنتى تتمنى ( من الطيبون)

اما لو هتحبى نفسك وتغضبى ربنا هيبقى نصيبك يعنى مش على ما يرام


وانت لو محبتيش فى فترة ما قبل الخطوبه صدقينى كل المشاعر والاحاسيس الللى جواك هتبقى لحد واحد بس

والناس كلها شايفكم وربنا هيبقى ان شاء الله راضى عنكم وفى الحلال وفى النور ( مش خلف الاسوار )

____

دا رايي بقى الاخير والفاصل

اى علاقه حب بين بنت ولد حرام وغلط وعيب

اى علاقة صداقه او صحوبيه بين ولد وبنت حرام وغلط وعيب

اى علاقه زماله بين ولد وبنت عيب وغلط ( لو كان فى بديل ) يعنى البنت تجيب كل اللى عايزاه من بنت زيها وكذلك الولد ( اما لو مفيش بديل* فالضرورات تبيح المحذورات

والله اعلى واعلم فى كل كلامى

وكل سنة وانتم طيبن ويعوده عليكوا بخير يارب

تسلم يا قمر والله دا رأى بس حبيت اوسع فى الكلام حتى اشوف ردكم بجد ربنا يخليكو وربنا يحميكم

موضوع جميل اوى ياندى وردود احلى
الحب احساس جميل مفيش احسن منه
والانسان الوحيد اللى يستاهل حبك هو خطيبك او زوجك هو اللى يستاهل كل احساس حلو جواكى وهتبقى بتحبيه وانتى واثقة فيه مش خايفة انه فى يوم من الايام يسيبك
اما بقى حكاية الزمالة دى حاجة تانية ومعتقدتش انها غلط او حرام لانها بتكون بحدود وفيها احترام ومبتخرجش عن نطاق العمل اللى فيه الزماله لكن الصحوبيه طبعا دى شىء تانى ودى بقى اللى عيب وغلط
وهو دة راى والاختلاف فى الراى لايفسد للود قضيه
وميرسى ياندى تانى على التوبيك

موضوع جميل أووووى
وكلكم صح ياجماعه
اللى هيحبك بجد هو اللى هيجى يدخل البيت من بابه وهيخطبك لكن حب من برة دة لالالالا كله هبل فى هبل
موضوعك تحفة