تخيل _ تخيلي .لو الرسول(صلي الله عليه وسلم) دق عليك باب بيتكم!!!

ازيكم

يا رب تكونوا بخير

الموضوع الى هيتقال الوقتى انا مقتبسه كل من كلام الشيخ حازم شومان لمقطتفة كدة كان قالها

وبجد الى يسمعها وميفكرش بعد كدة انه يقرب من ربنا وميخفش

يبقى بطن الارض اولى بيه يعني يتكل ويموت احسن

==================

ندخل ف الموضوع

تخيل معايا وتخيلي معايا كدة

لو انت او انتى قاعد او قاعدة ع النت وبتشيت مع دي وهي بتشيت مع ده وهو ولا يقرب لها ولا يمت لها باي صلة وبيتكلموا ف مواضيع هايفة واتفه من ان الواحد يفكر يتكلم فيها

وقاعد معلي ومعلية الصب والاغانى ع الاخر وعامل دماغ عالية والسيجارة ف ايدك

وصباع الروج ف ايدك انتى كمان

وفجأة

باب البيت خبط

فروحت تفتح الباب

فبصيت لقيت واحد وجهه مليئ بالنور ووقار الدنيا كله فيه

فسالته انت مين؟

فيرد عليك ويقول لك انا رسول الله

ف الوقت ده انت هتجنن رسول الله بيدق عليا باب بيتي

فعلى طول هتفتح الباب لتستقبل او تستقبلي الرسول ( صلي اله عليه وسلم )

فتقول ازاى انا هستقبله كدة لازم اوضب البيت واقفل الالحاجات الى شغالة دي

وتجري ع الجهاز علشان تقفله وتنهي الكلام مع الى انت بتتكلم معاها

وتقفل من غير ما تنهي الكلام ده وتقفل ف وش الي بيكلمك

وانتى تيجي تفتحي

تقولى يا خبر انا هفتح لرسول الله ويشوفني بنظري ده ازاى

وانا لابسة اللبس ده

فين حجابي بقى الى انا لابساه ده حجاب ؟!! وتقولى لازم حجاب زي حجاب امهات المؤمنين

فتجري على اوضتك وتسيبي رسول الله واقف برا بيخبط على بابك

وتدوري وتقولى البس الجيبة دي ولا البنطلون ده ولا الاستريتش ولا البرمودا

لحد لما تلاقى عباية تلبسيها على جسمك

وتدورى على طرحة فتقولى البس الطرحة الملونة ولا الاسبنش ممينفعش اظهر بالمظهر ده قدام حبيب الله

فتلاقى بعد تعب طرحة م الى والدتك بتصلي فيها فتلبسيها

وخلاص هتفتحي الباب

تقولى يا خب وريحة البرفان الى فيا دي اروح استحما فتحمدي ربك انك لسة محطتيش البرفان

وفجأة تقولى لو رسول الله مسك تليفوني وشاف الصور الى عليه دي وسالنى مين ده ومين ده ومين دي

اقوله ايه مغنين وناس اتفه من اننا نسمع هما بيقولوا ايه ؟؟؟!!!

فتمسحي بسرعة كل حاجة من دى

=================

وانت لما الرسول يخبط عليك

تجري على جهازك وتشيل من عليه كل الاغانى وتقفل الشات ف وش الى انت بتكلمه خايف يا رسول الله يسألك عنهم

وتجيب الريموتكنترول وتحاول تغير قناة الاغانى الى شغالة دي

وفجاة تضغط على زرار غلط فتجيب قناة اسء واسوء والصوت يعلي ويدوي ف بيتك

وتدخل اوضتك وتشوف صور ناس مغنيين انت معلق صورهم فتقول لو رسول اله سألنى مين دول هقوله مين دول

وف الوقت ده انت نفسك هتقول مين دول

وانت بتقطع الصور دي وبتشيلها

صورها منهم تقع على مكتبك تبص على مكتبك تلاقى شرايط كاست واسطوانات للاغانى والافلام عن حاجات انت حتى مش عارف تقرأ اسمها ولاول مرة تسأل نفسك وتقول ايه ده


وبعد ده كله ليك ولها

تروح تفتح الباب

متلقيش الرسول ( صلي الله عليه وسلم )

راح فين رسول الله تبص من ع السلم تلاقيه نازل لانك اتأخرـ عليه

فتنده عليه فيجيلك

ويدخل بيتك واول ما يبدخل يشم ريحة غريبة

فانت تقول يا ربي !! د انا نسيت اطفى السجارة فتجري تطفيها

وفجأة تليفونك يرن .. وتليفونك كل يوم بيرن ف اليوم اكتر من 10 مرات

ودي ولاول مرة تلاحظ انت حاطط رنة موبايلك ايه ... اغنية لشاب تافه ولا كلام مسخرة لانسان اتفه

والى يزيد البلة طين لما تشوف مين الى بيتصل بيك

فتلائيه البنت الى انت ماشي معاها ولا الولد الى انتى ماشية معاه

فتقفلى على طول وتقف على طول عليه من رهبة الموقف وانك واقف قدام افضل خلق الله

فتقفل ويلان وتقفل ويرن تالت وتقفل ويرن رابع

وفجأة يطلب منك رسول الله المصحف الى في جيبك

فترد عليه بكل اسف والدمع هينزل من عنيك

مش مصحف يا رسول الله

مش مصحف يا رسول الله

دي سجاير

فيتأمل الرسول حالك

واوعى تفكر ان الرسول هيقولك ويشخط فيك ويقولك هو ده الاسلام هو ده الااسلام

لا الرسول صلي اله عليه وسلم

هياخدك ف حضنه ويبكي حتى تكاد عينيه ان تنخلع من البكاء

ويقول لك

بقى انا ضعيت عمرى علشان اخليك مسلم واخدك من طريق الظلام الى النور

والاخر الائيك كدة ؟؟؟؟؟؟؟؟؟!!!!!!!!!!!!!!!!!!!!!!!!


===============

انا بقى عايزكم تتخيلوا لو الى خبط ده مش الرسول صلي الله عليه وسلم الى خبط عليك

ولكن

ملك الموت

وده مش هيفضل يخبط برا على ما انت تشيل السجارة وتقفل الاغانى وتمسح وتعمل

ومش هستناكى لما تلبس الحجاب المفروض عليكي مش لعب العيال بتاع الايام دي الى بيزيد من شهوة الانسان والعياذ بالله


لا ده على طول ف ساعتها واونها

فتخيل لو ان ربك توفاك وانت ف الحالة دى

او توفاكي وانتى ف الحالة دي

سوء خاتمة والعياذ بالله

ومن مات على شيئ بعث عليه

=================================

انما بقى تخيل كدة لو الرسول جالك ولاقاك كنت قاعد تسمع دروس عن دينك وتعرف اكتر وبتحاول تنشر دينه بكمل الطرق الممكنة وتحاول تخلى المسلمين كلهم يلتزموا بجد ويحاولوا يبعدوا عن المعاصي

ولما يشوف رنة موبايلك دعاء جميل ولا اية قرأن بصوت خاشع جميل

وتخيلي لو رسول اله لقاكي لابسة حجابك وانتى ملكة فيه

والله العظيم شبه الملكة فيه

تخيلي كدة

بالله عليكي انتم ما بتتمنوا تبقوا كدة


خلاص عاهدوا نفسكم قدام ربكم انكمم مترجعوش للمعاصي ابد

وامسحوا الاغانى وشيل صور الناس الى هم اتفه ما خلق الله

وصلي فروض الله

وحاول تقرب من ربك اكتر واكتر

والله المستعان




ملحوظة بس


انا ممكن مكنتش قدرت اتوفق ف شرح المسألة كدة

قلي عايز يسمع بجد الكلام ده

من الشيخ حازم نفسه

فالكلام ده هتلاقوه هنا


https://www.youtube.com/watch?v=Bbwu2_nxR1g

م
ن
ق
و
ل

ميرسى يابوسى موضوع جمييييييييييييييل جدا


مشوفتش أجمل منه بجد

مواضيعك مميزة وأجمل منها مفيش

ت
س
ل
م
ى

وفعلا لازم نبعد عن أى حاجة زى كدة لان الموت مش بيخبط ع الباب .

roro كتب:

وجزاكى خيرا منه

نورتى موضوعى يا جميلة